كلمات أغنية أيامارك مجموعة أرشاش
تيرفي نت
ؤور يكي و مارگ ماد إتري يان أن نسرس
ؤلا كان ما - يسرباحن أتن ياسي يان
ؤر إلي مارگ س- إكيور أماتيس إران
ؤر إلي بلا تيدي د ونخيسام نواوال
أساتور ناموریگ ورتن يول أمر سين
إما يان و لابد أسن إطار نغ إزاي
أمارك ؤكلخ ربي فتاسا ليك إران
تاگوات ن ؤكشوض إرغان أغسويوتلن
نعرگ نزوا، نفاغ لحما نكشم واياض
إزري أر يالا س-إیامن أمطا تمان
إيالا وغردا اللوز أوطر إتكس العاولت
نكني د - إكضاض بحراد نتكوي س-تماواشين.
نگایک اصبر تاكمدا ، نعمر سرك أفوس
إكاغ لعوين ن - تودرت والا وين لموت
إغ إلا لياقين ؤكرن وسان أغاراس
تاولوت ن إموریگ ور تمیار أصمید
نتات ولا تایوگا - نس ورا تانونت
رزق إلا دار ربي غ مانين ؤور نتام
دا تند نترارا غ- إكي رورنت - إس وكان
إمربي أن ضرن إموكاين ولا تاوولوت
ؤلا تاغودا د - إسلدا ولا ما تنت إغوين
تنيد أرواس أميد ورتلاً تاغيتين
