كلمات أغنية أتابرات إنو الرايس مولاي محمد بلفقيه

اتابرات إنو لاحانغ لجواب نونت

اتابرات إنو لاحانغ لجواب نونت
إزد ؤر إفهم يان إكماين
أركا تاراخ أر نتازن نكامي ماد إتجاوابن
لفهم شقان مدن زربن تاير كا أكولو فهمن مدن
كادا مايتعيبن أمارك ؤراك إسن غار الوزن

يان إنان إموت ؤمارك إزد نتان أداسن إقازن
أر نتمضام أر نتاوز أركيخ إهليل المودن
نسهر بدا ݣيغ زون نوضن إمدا الشباب نغ نبودل
أقصيد ناد أك نزايد تاغوفي كا أدي تزاياين
زود غيكان أدانخ إحرݣن ؤر إلي ماك إتميازن

أيهايا كوكو إكرم إݣر إكيس ؤفوس إوسماود
إكاد ؤشوال ظار إݣر ألن كا أداسنت إسوݣر

ياوريدركن إكرا كرزن إسكر هلي تادصا ميدن
أوال إلا كادا وودم كويان د والي تمنادن
غيان أيسمناعن أمارك يان إران أت إتسادن
رارد لعاقل تابعا أمارݣ أتزرت الري مايس إعوج

إسكر الحزار إوزك إضدر يان ؤر إشاطرن رات إبج
إسكر الزماناد ياوودم ؤهمخ إ الزمان اد ياوريسيود
إهواد الخوف إيسبابن كويان د مانيختن يومز
إبادل ؤزمز إبادل لمنزل إبودل ؤسماقل غ كر ميدن

تادصا نوكايو إغ إشوض أسول نزرا غ ظار مدن
إسرغانتن ؤمزيل إݣن وانان إݣان إخف إشوض

تاودا تلا كواشي غ كر ميدن زوند أفاسي زوند إزلمض
أسمامي ݣادان ݣيس مدن بولمال ؤلا يان إزلضن

وانا سقساخ إنا حركح لحرفة راتنت نبادل
بوتحانوت أر إتزي حرجن إنا هاتي شاناخ مدن
وانا إسغان إنا قيد لكناش أداخد إشيضن
لمشاكيل ن كرا غودن زوند إغاكن إضر ؤساكر

إعدل بدا ياوريزربن أدور إتور إنتضار غار ؤدم
أشكو وانا تابعان ميدن إجلوتن راديسن إقلد

كونات على بال غ البعض إيغاراسن راكن يوضر
هان أغاراس إعدل لاصل زو إيغ إسوتل زو إح إقرب

وانا إتجرابن إجرب أسيق ليد إتزايادن
غار أظاسن إفك إفادن رايباين ملني غ ران إضر

منشك ؤسافو أي أيي تعاوادن إفلد إݣلين غار إغد
عاود أربي ياند إيضن أرݣيس تروسن إحريݣن

يوف يان إݣال لهبيل إݣن إحبو س إغيل إيشرويضن
إزري ؤسان نس غومرض زوند إغ أعاقل زون إغ إݣن

ؤلا أر إزرا إحريكن إك نيت السم أردن إضر
كرايكات أسيف إنكي خلضن يان ؤر إشورن ران إضر

كرايكات أضو راكن إجرب أك غار ؤر أوين س البعد
كرايكات الحاجة ترا أسلمد ولايني لاصل إقاند

تنيت ؤهو أݣما جرب أمز المثل ؤرتا يوضر
رزم إواييش أد إبورض أتزرت العبربون غ الملعب

أسنوس إ ؤزل سيخ إضر زرين إنخار نس إروحد
أوالاد إݣوت مايوزن إغ إلا مات إتميازن

والايني وايريزوݣن ؤلا إفهم يات رايوضر
تاݣمرت ترميد أيصيادن إمدورا الصيد إرول غابن

إزم أر ندرن ؤشن إصيد ؤصماي إفل تاتن إروحد
رواح نتافوكت إقرب تيلاس أياد إفكان ؤدم

إغليد الشرقي إصميدن إميس نا فيزري مركن

إخلا ؤحشوش أݣرور إضر رز أشاموش أكن ؤر إرز

ؤراناج أمارك أيوضر واخا رافلاسن حرݣغ
لهم لينانغ إزاضن مانزا مامونن تعاوادغ
والي إتحاسابن ؤكوكن ويلياد إقورن أيادر
لعيون ليد إتزايادن أامان ؤراتن تحاسابن

راسول نسمد الرجا نميدن إغ شول ترا لوقت أمارك
إغدي ترمي لوقت أمارك يوف أندعو د ميدن أفوضغ

إغدي ترمي لوقت أمارك يوفاغ إغ نضلص نغايب
نك زوند تيركيت إحبا إغد وانات إسمومسن حركن

أسان رمين أيت ؤمارك أراندعو د مدن أفوضغ
أدور نتسفاه غار ؤدم سيواليون لي ؤر إجوزن

أشكو الزماناد إبودل غار ݣار الصرف أيوجادن
وانا إتنكالن إزايد ؤر إسن ماني مون إكر
زود نيت أرام إغا كرزن إنا كرزن سيغتن يوضر
تاد نيت إلان ألن الطالب إفتا سبيح ؤرت إشوجد

إيرا أيك ليمام دار مدن أتزرت تاغارت ؤوودم
زود واليد إروحن لموضع إناياسن رانك المودن
ياج لفقيه أركيغ إݣن إش تيمزݣيدا ؤلا الطالب
إسمون أضار نس أفوضن إخلود أخربيش إشرد
أركا تاراغ أر نتازن نكامي ماد إتجوابن